Mäin zweeten Mount huet domat ugefaangen, dass mer d’Chance kruten Nei-Joers-Karten fir d’ONGD-FNEL ze maachen, déi dann zu Lëtzebuerg un hir Donneuren verdeelt ginn. Den éischten Dezember hunn ech dunn en Deel vun den Karten mat den Kanner gemaach an fir d’éischt Kéier richteg Zäit mat hinnen verbruecht. Si waren all esou begeeschtert an motivéiert fir ze molen an hunn mech immens léif empfangen. Direkt vun Ufank un hunn se mech „older sister“ genannt, wat zwar normal am Nepal ass, mee mech awer richteg frou gemaach huet an ech kann soen, dass och ech deen Dag 8 nei kleng Schwësteren bäikrut. Duerno hunn dunn d’Field Visits ugefaangen, wou mer wärend 10 Deeg 8 verschidden Distrikter besicht hunn an zwar Makwanpur, Nawalparasi, Dang, Lumbini, Kaski, Lamjung, Tanahu an Gorkha. Mir waren zu 4 an engem Van ënnerwee dorënner d’Ranju, eisen Chauffeur den Shyam, d’Uma an ech. D’Uma ass eng Fra, déi mat 9 Joer an en Zirkus verkaaft gouf an dunn no 17 Joer et gepackt huet vun do fortzegoen an mat sengem Jong erëm an den Nepal ze kommen. Déi zwee sinn leider HIV positiv an d’Uma krut dunn an der schwéierer Zäit ugebueden un engem vun den Trainingen vun SETU Nepal deelzehuelen an säin Jong gouf ënnerstëtzt fir kennen an d’Schoul ze goen. No dem Training ass d’Uma erëm selbststänneg ginn, huet eng gewëssen Zäit fir SETU Nepal geschafft an ass och meeschtens bei den Field Visits mat derbäi. Hat ass eng immens léif an awer och staark Fra an mir haten all zesummen eng super gutt Zäit, an der mer vill zesummen gelaacht hunn. Wärend eisen Visitten hunn mer ënner anerem eng Schoul besicht, wou SETU Nepal en „Day Meal Program“ an och den Opbau vun enger Kichen well bedreiwen. D’Schoul hat nämlech virdrun keng Platz, wou d‘Schüler ze iessen kruten an sou hunn sech d’Kanner dann vun Snacks ernäert, déi virun der Schoul verkaaft ginn, wat net gutt fir hir Gesondheet ass. Mat dem Aféieren vun deem Programm kréien d’Kanner all Dag eppes Gesondes ze iessen an gläichzäiteg ginn d’Elteren, d’Schoul an  d’Gesellschaft besser iwwer gesond Ernierung informéiert an sinn an dem Aspekt am Liewen vun hiren Kanner involvéiert. Des Weideren hunn mer nach Fra’en besicht, déi un engem vun den Trainingen an 2018 deelgeholl hunn an et war schéin ze gesinn, wei frou an motivéiert si waren. Dat huet och einfach gewisen weivill SETU Nepal deenen Fraen hëlleft, déi schonn souvill duerchgemaach hunn an dann no den Trainingen mat neier Perspektiv erëm an hiert Liewen zréckkommen. Wärend deenen Meetings gouf ëmmer vill gelaacht an trotzdeem alles serieux behandelt. Zumools zu Nawalparasi, engem ganz einfachen Distrikt haten mer eng immens flott Zäit mateneen an och wann ech net ëmmer wousst wat jiddwereen sot, well natierlech alles ob Nepalesesch war, hunn mer eis awer verstane. Dann hunn mer och nach verschidden lokal Organisatiounen besicht, fir mat hinnen iwwert d’Aarbecht vun SETU Nepal ze schwätzen, fir dass si eis Fra’en kennen recommandéieren, déi un eisen Trainingen kennen deelhuelen. En schéint Beispill haten mer do zu Dang, wou mer duerch Zoufall ob en Meedchen ze schwätzen komm sinn, wat säin Bachelor gemaach huet an awer leider finanziell Problemer huet. Mir hunn d’Meedchen dunn getraff an vue dass hat immens léif an motivéiert eriwwer komm ass, gouf entscheet, dass hat am neien Joer un engem vun den Trainingen vun SETU Nepal kann deelhuelen. Et war flott ze gesinn, wei mer zoufälleg ob dat Meedchen ze schwätzen komm sinn an et elo dann villäicht vun SETU Nepal wäert ënnerstëtzt ginn. Mir hunn och nach verschidden „Home Visits“ gemaach, wou mer den Leit hir Geschäffter konnten gesinn, sou zum Beispill en Snackstand, en Kleedergeschäft an souguer eng Fëschfarm. Mir haten awer och en bëssen Fräizäit, wou mer Lumbini kucken gaangen sinn,  wou d’Gebuertsstätte vum Buddha ass an een ganz vill verschidden Tempelen kann besichen. Nieft den Tempelen schéngen ech awer och eng grouss Attraktioun gewiescht ze sinn an hunn mat ganz villen Leit Foto’en missten maachen. Dunn hat ech och nach d‘Geleegenheet zu Kaski (Pokhara) kennen Paragliding ze maachen, an zwar mat der Hëllef vun menger nepalese Amā, dem Ranju. Et wat eng immens flott Experienz, duerch d’Loft ze fléien an all d’Bierger an den Phewa Lake kennen ze gesinn an ech kann et wierklech jiddwerengem uroden et auszeprobéieren. Leider sinn ech dunn awer an deenen leschten puer Deeg vun eisen Visitten relativ krank ginn an hunn mäin Dag domat verbruecht ze schlofen an näischt kennen ze iessen. Mee d’Ranju, d’Uma an den Shyam hunn sech esou gutt em mech gekëmmert an no en puer Deeg, wei mer erëm zréck zu Kathmandu waren, war ech dunn erëm ob den Been. Wärend den Field Visits huet an der Organisatioun d’Aakanshya, en Meedchen aus dem Nepal, wat och en Volontariat bei SETU Nepal mecht, d’Karten mat den Kanner weider gemaach. Zesummen hunn mer se dann fäerdeg gebastelt: D’Biller vun den Kanner ausschneiden an ob faarwechen Pabeier pechen, nepaleseschen Pabeier an d’Karten pechen an dat ganzt dann nach en bëssen dekoréieren, huet laang gedauert. Mee mat „Milk Tea“, Popcorn an gudden Konversatiounen huet et sech koum méi wei eng Aarbecht ugefillt, an mir sinn esouguer en bëssen an Chrëschtdagsstëmmung komm. Am Nepal gëtt Chrëschtdag amfong net gefeiert, an fir dass ech déi schéin Zäit net allze vill vermessen, krut ech net nëmmen en klengen Adventskalenner vun menger Famill, mee ech gouf och nach gutt mat Schockela vun Famill an Kollegen versuecht. Awer och mat menger Famill hei am Nepal hunn mer en bëssen geféiert, sou hunn mer zum Beispill eng Planz als Chrëschtbeemchen dekoréiert an ech muss zouginn, dass eis Chrëschtdags-Palm sech wierklech konnt weisen loossen. Den 24. Dezember sinn mer mat den Kanner vun SETU Nepal an eng Schoul gaangen, wou Schüler mat Down-Syndrom betreit ginn an hunn do alleguer zesummen gefeiert. D’Kanner haten kleng Optrëtter virbereet an et war esou schéin ze gesinn, weivill Freed jiddwereen hat. Zesummen gouf gefeiert, giess an all Kand krut herno nach en klengen Cadeau mat Hefter, Faarwen an souguer en puer Séissegkeeten. D’Highlight vun dem Dag war awer wahrscheinlech deen Moment, wou een Meedchen am Rollstull, mat Hëllef vun enger Betreierin, och huet kennen danzen an seng Freed an säin Laachen mir sécher net esou schnell wäerten vergiessen. Et war net nëmmen fir d’Kanner en immens flotten Dag, mee och ech sinn dankbar fir dat Fest konnten matzëerliewen. Owes sinn ech dunn mat menger Famill eraus an eng „Mall“ iessen gaangen an nodeems ech hinnen erzielt hat wat meng Famill zu Lëtzebuerg wäert kachen an dass dat ongeféier aus 4 verschidden Gäng wärt bestoen, waren mir dunn och 4 verschidden Saachen iessen. Cheeseballs, Momo‘en, Fried Chicken an herno nach eng Waffel waren eisen Chrëschtdagsmenü an et war esou en einfachen mee léiwen Geste, deen eist Chrëschtdagsfest schéin ofgeronnt huet. Den nächsten Dag louch souguer en klengen Cadeau ënnert eiser Chrëschtdags-Palm an ech hunn den Dag zesummen mam Aakanshya verbruecht, mat deem ech mëttlerweil eng richteg gutt Frëndschaft opgebaut hunn. D’Aarbecht am Office besteet am Moment doran alles ze dokumentéieren wat mer wärend den Field Visits gemaach hunn an verschidden Artikelen fir eis Website ze schreiwen. Den zweeten Mount hei am Nepal ass esou schnell ëmgaangen, fir et zesummen ze faassen war dësen Mount eng immens flott mënschlech Erfarung, et gouf gutt gelaacht, genuch giess, ech hunn villes bäigeléiert an ech freeën mech ob den nächsten Mount!

 Mäin éischten Mount am Nepal 

Moien ech sinn d’Lee vun der Cap an ech hunn d’Chance dëst Joer en Fräiwëllegendéngscht am Numm vum SNJ an der ONGD-FNEL am Nepal kennen ze maachen. Virun 2 Joer hunn ech dat schéint Land fir d’éischt Kéier besicht, wärend enger Rees déi vun der ONGD-FNEL organiséiert ginn ass an ech hunn mech direkt an d’Landschaft an an d’Leit verléift. No menger Première sot ech mir dunn, dass ech zréck an den Nepal ginn fir do bei engem Projet kennen ze hëllefen awer och gläichzäiteg nei Erfarung kennen ze sammelen. Den 26. Oktober hunn ech mengen Kollegen an menger Famill dunn missten Äddi soen, wat net einfach awer derwäert war, an sinn dunn mat engem Grupp vun der ONGD-FNEL an den Nepal geflunn. Ech hunn do wärend fënnef Deeg un hirem Programm deelgeholl an Dhulikel an Bhaktapur gesinn, sou wei d’Klinik zu Banepa an d’Projet’en vun Right4children zu Pokhara. An der kuerzer Zäit hunn ech vill erlieft an nei Frëndschaften geschloss an ech war prett fir den éischten November kennen bei mäin Projet ze goen, wou ech mech wärend 5 Méint wäert engagéieren. D’Organisatioun  heescht SETU Nepal an si setzt sech an fir Fraen an Kanner, déi HIV positiv sinn, ze hëllefen. Famillen déi mat der Krankheet ze dinn hunn, ginn leider oft vun der Gesellschaft ausgeschloss an vernoleissecht, well d’Leit Angscht hunn kennen ugestach ze ginn oder et als schlecht Zeechen ugesinn. SETU Nepal well weisen, dass déi Stereotyppen falsch sinn an den betraffenen Leit hëllefen erëm en selbststännegt Liewen kennen ze feieren. Si hëllefen hinnen dobäi net nëmmen medezinesch, mee ginn den Kanner d’Méiglechkeet an d’Schoul kennen ze goen an mat den Mammen ginn Traininger gemaach, wou iwwer verschidden Themen geschwat gëtt sou wei Hygiène, eng gutt Ernierung, Gläichberechtegung, wei een säin eegenen Buttek kann feieren (Geessefarm, Bitzgeschäft, Iessstand) an dat ob eng ganz interaktiv Aart an Weis. Fra’en déi engagéiert sinn an gutt Resultater weisen ginn dann nach ausgewielt fir en Entrepreuneurship Training, wou se hir Geschäfter nach weider kennen verbesseren. Des Weideren setzt sech SETU Nepal och fir Fra’en an Kanner an déi am Prisong sinn, si hunn och Leit an Schoulen, déi staark vun deenen zwee Äerdbiewen vun 2015 betraff waren, gehollef, si hunn en Transit Home (Aarati House), wou Fra’en an Kanner fir eng méi laang Zäit kennen bleiwen an maachen iwwer d’Joer verdeelt vill verschidden Workshops, fir nëmmen en puer Saachen opzezielen.

Ech hunn also den éischten November d’Direktesch vun der Organisatioun, d’Ranju Pandey, kennegeléiert an ech wäert fir déi nächst 5 Méint och bei him an senger Famill liewen. Ech gouf direkt als Familiendeel opgeholl an si hunn mer schonn vill vun der nepalesescher Kultur gewisen. Kuerz nodeems ech ukomm sinn huet d’Lichterfestival (Tihar) ugefaangen, wou wärend fënnef Deeg verschidden Deieren, Götter an d’Geschwëster veréiert ginn. Dann ginn all d’Haiser mat ganz villen Luuchten an Käerzen dekoréiert an all Owend gëtt bis spéit an d’Nuecht gesongen an gedanzt. Zu der Zäit hunn och zwou franséisch Fra’en bei eis am Gebai gewunnt an zesummen hunn mer Uelegluuchten farwech gemoolt, en Ringali, dat heescht en Mandala aus farwechem Pudder virun d’Hausdier gemaach, mir kruten nach alleguer en Sari un an mir konnten um “worshipping” deelhuelen. Den nächsten Dag sinn mer dunn Owes mat den Noperen raus danzen gaangen an den leschten Dag konnten mer bei dem Ranju seng Famill matgoen an do un der Brudder-Schwëster Zeremonie deelhuelen. Ech sinn immens dankbar, dass ech sou en groussen Anbleck an hir Traditioun kréien, an dass d’Ranju probéiert mäin Openthalt sou räich wei méiglech ze gestallten! Dunn konnt ech och um Workshop deelhuelen, deen vun der ONGD-FNEL organiséiert gouf an wou all d’Projet’en, déi ënnerstëtzt ginn zesummen komm sinn an sech austauschen konnten. Et war ganz interessant ze gesinn, wien alles ënnerstëtzt gëtt an fir wat an wei genau déi verschidden Organisatiounen sech asetzen. An der ganzer Zäit gouf awer och geschafft. An zwar gesäit mäin Alldag esou aus, dass ech fir bei mäin Projet ze kommen Tuc Tuc’en (och Tempo genannt) muss huelen, wat déi aller éischten Kéier schonn en Erliefnis war zu 12 an deem klengen Gefier ze setzen. Mee mëttlerweil ginn ech schonn relativ gutt eens an weess wéini ech muss un den Plafong klappen fir un der richteger Platz unzekommen. Heiansdo gëtt och den Scooter geholl an domat den nepaleseschen Traffik bezwongen. Um Projet schaffen ech dann am Aarati House, wou ech biswell gehollef hunn Reports ze verfaassen, iwwer dat wat d’Organisatioun iwwer déi lescht Joren un Aktivitéiten gemaach an wien se ënnerstëtzt huet, souwéi Appeals geschriwwen hunn fir Fond’en fir d’Bénéficiairen ze sammelen an awer och meng eegen Idee’en fir Aktivitéiten kann abréngen. Ech hat bis elo nëmmen kuerzen Kontakt mat den Kanner, déi permanent am Aarati House liewen, well mir meeschtens dann heemginn, wann si aus der Schoul kommen. Ech ginn awer ëmmer mat engem léiwen “Namasté” an engem Laachen begréisst an freeën mech nach méi Zäit mat hinnen kennen ze verbréngen! Zum Schluss vum Mount sinn mer an den Süden vun Lalitpur gefuer fir do an enger Schoul en Programm ofzeschléissen, deen sech “Day Meal Program” nennt. Et geet dorëms, dass d’Elteren 4 Joer laang all Dag en gewëssenen Montant vun Suen un d’Schoul ginn, fir dass hir Kanner all Dag eppes Gesondes ze iessen kréien, mat der Ënnerstëtzung vun SETU Nepal. Den Montant gëtt all Joer en bëssen méi héich an dobäi geet d’Responsabilitéit vun SETU zréck, sou dass zum Schluss vun deenen 4 Joer d’Elteren an d’Schoul ganz responsabel fir d’Ernierung vun hiren Kanner wäerten sinn. Deen Programm gouf deemools no dem Äerdbiewen mat Hëllef vun der ONGD-FNEL ugefaangen an herno vun SETU Nepal selwer weider gefouert. Dëst Joer hunn se den Programm no 4 Joer ofgeschloss an dat selwecht gëtt am neien Joer an enger anerer Schoul gestart. Geschwënn ginn dann och “d’Field Visits” gemaach, wou mer an déi verschidden Distrikter vum Nepal reesen fir kucken ze goen wei den Leit hir Geschäffter lafen an hinnen Feedback ginn. Ech freeën mech immens dorop kennen direkten Kontakt mat den Bénéficiairen ze hunn an och an déi méi ländlech Géigenden vum Land ze kommen. Den Weekend hunn ech bislo ëmmer fräi gehat, wou ech d’Zäit genotzt hunn fir Kathmandu an Patan kucken ze goen sou zum Beispill Pashupatinath, Bodnath an Swayambhunath. D’Liewen hei ass natierlech anescht wei an Lëtzebuerg, mee ech hunn mech mëttlerweil richteg dorun gewinnt. All Dag leieren ech eppes Neies bei an ech hoffen, dass ech grad sou vill kann zréckginn an ech freeën mech ob dat wat an deenen nächsten Méint nach ob mech duerkënnt!

La course est lancée !

L’édition 2018 des ING Solidarity Awards vient de commencer et l’ONGD-FNEL doit rassembler un maximum de soutiens ! Plus précisément, nous devons faire partie des 30 associations les plus soutenues, pour recevoir un chèque de 1000 €.

Vous pouvez augmenter le nombre de votes de l’ONGD-FNEL en votant pour nous sur :

https://bit.ly/2OLb1Yp (un vote par adresse mail, si vous en possédez plusieurs n’hésitez pas à voter plusieurs fois !)

N’hésitez surtout pas à partager l’information autour de vous !

C'est avec beaucoup de joie que nous partageons avec vous aujourd'hui le film réalisé par Marc Hammer sur les projets de l'ONGD-FNEL au Népal. Cliquez sur le lien et partez à la découverte de nos partenaires et bénéficiaires et des initiatives innovantes que nous soutenons pour améliorer les conditions de vie et d'éducation dans le pays.

(Cliquez sur "CC" pour voir les sous-titres)

Out of Nepal from Marc Hammer on Vimeo.

Vum 21. Juli bis den 05. August waren 11 Rover vun der FNEL an Tansania ënnerwee fir en Projet, deen 2015 mat Tafelen usträichen ugefaangen huet, weider ze féieren.

Dës Kéier goung et awer net em Schläifen, Ofmaachen oder Usträichen, mee em dem Baden Powell seng Idee vum Scoutismus. En klengen Flashback ass wuel neidesch: Nodeems e Grupp vun 16 Rover am Summer 2015 Tafelen an villen Schoulen renovéiert hat, ass den Scoutismus an der Regioun Iringa explodéiert: deels duerch d’Virbildfunktioun vum Scout als aktiven Member vun der Community an awer och duerch Projeten an Ënnerstëtzungen vum IOP-Center, mat deenen d’Jill an d’Elodie den Projet 2015 opgebaut hunn. Fir en Zitat vun deemools nach eemol erëmzeginn: „Mir sinn elo alleguerten zeréck an eisem Alldag an Routine, mee déi Zäit huet mat Sécherheet en Impakt op eis gehat.  Mir sinn eis bewosst dass et nëmmen eng kleng Aktioun war, wou vill Grousser gebraucht ginn, mee mir sinn stolz op dat, wat mer erreecht hunn.“ Den Impakt op de Scoutismus an Tansania war net virauszegesinn an och dëse Projet, kann méi wäit goen, wéi just 60 Scouten an eng Woch Camp: den Interessi um Scoutismus war erëm ugestach ginn an vill Schoulen hunn ugefaangen nei Gruppen opzemaachen, ouni awer den Hannergrond vum Scoutismus ze hunn, mee et no beschtem Wëssen an Gewëssen ëmzesetzen, wat si kennen an selwer erlieft hunn. Dunn am Oktober 2017 sinn mer kontaktéiert ginn, fir zesummen mam Doreen an Lynn-Christine eng praktesch Formatioun, zousätzlech zur Formatioun vun der Tanzania Scout Association, fir jonk Scoutscheffen opzebauen an hinnen esou en méi déift Verständnis vum BP senger Philosophie an senger Visioun ze vermëttelen. Gesot – gemaach.

 Mat enger flexibeler an motivéierter Ekipp sinn mer den 21. Juli um Findel fortgeflunn, fir no villen Reesstonnen zu Illula mat eisem Camp unzefänken. 49 Participanten aus 29 Schoulen waren präsent an hunn sech wärend 6 Deeg engagéiert fir mat eis zesummen ze léieren, ze erliewen an ze plangen. Coursen wéi First Aid, General Scouting, International Scouting, Environnement Awareness, Constructiouns, Fire Cooking an esou weider stoungen um Programm. Gedold, enormen Team-Geescht an vill Fläiss war am Asaatz, fir all Challenge entgéint ze wierken. Och huet déi  Woch en Solarprojet stattfonnt, wou deenen jonken Scouten an Cheffen d’Manipulatioun vun Solartäscheluuchten bäibruecht ginn ass. Dëst Material steet hinnen weiderhin am Center zur Verfügung, esou dass Famillen ouni Stroum awer an der Nuecht nach schaffen an d’Kanner léieren kënnen.

De Feedback vun den tansaneschen Scouten, wéi och vun eis war immens positiv an mer plangen elo schonn un enger Weiderféierung vum Projet. Vill nei Ideeën sinn bei all Participant  ukomm an waarden elo drop ëmgesat ze ginn.

Wéi sot den Alex: Education always works in both ways: We learned so much from you and we tried to share our ideas and experiences with you, so we all learned from eachother.

ASANTE SANA un d’ONGD FNEL fir hier finanziell Ënnerstëtzung vun eisem Projet an virun allem un d’Alina, d’Caroline, de Claude,  d’Jil, d’Lena, d’Maripol, de Simeon an de Yann, fir hier Begeeschterung.

Alex, Jill an Julie